என் ஆதங்கம்.......

உலகில் இருக்கும் எந்த இனத்தவர் அவருடைய தாய் மொழியில் பேசினாலும் நமக்கு புரிவதில்லை. ஆனால் நம் தமிழர்கள் பேசும் பொழுது அனைத்து இனத்தவரும் புரிந்து கொள்கின்றனர். அது தான் தமிழின் பெருமை என்று நினைக்க வேண்டாம். தமிழன் மட்டும் தான் தமிழனிடம் தாய் மொழியில் பேசுவதில்லை.

அது என்னமோ தெரியவில்லை?

ஒரு வேலை ஆங்கிலத்தில் பேசினால் தான் நாகரீகம் என்று நினைத்து கொள்கின்றார்களா, என்றும் புரியவில்லை. நாகரீகம் என்பது எது? உன்னுடைய தாய்மொழியை நீ பேசுவதில் தான் உன்னுடைய நாகரீகம் இருக்கிறது. இது தெரியாமல் நிறைய பேர் திரிந்து கொண்டு இருக்கின்றனர்.

நம் தாய் மொழியில் எத்தனை எழுத்துக்கள், எத்தனை மரியாதை நிமித்தமான வார்த்தைகள் இருக்கிறது என்று தெரிந்து கொள்வோம். அன்றாடம் பயன்படுத்தும் வார்த்தைகளில் இருந்து ஆங்கில வார்த்தைகளை தயவு செய்து அகற்றுங்கள். நம் மொழி தானாக வளரும்.

உங்கள் தாய் மொழியை வேறு மொழி ஆட்க்கொண்டது என்று காரணம் கூறுவது சரியில்லை. பழகிவிட்டது ஆதலால் நான் நினைத்தாலும் மாற்ற முடியவில்லை என்று கூறுவது ஏற்று கொள்ள முடியாது. சிறு வயதில் இருந்து உற்சாக பானம் அருந்தி பழக்கம் இல்லை. ஆனால் அதை மட்டும் நடுவில் பழகி கொள்கின்றோம்.

ஆனால், தமிழர்களிடம் பேசும் பொழுது ஆங்கில வார்த்தைகளை தவிர்க்கமுடியாது என்று கூறுவது நம்முடைய அடையாளத்தை தொலைத்துக் கொண்டுஇருக்கிறோம் என்பதை மட்டும் நினைவில் கொள்ளவேண்டும்.

சில புரியாத மேற்கத்திய வெளிநாட்டு உணவுகளுக்கு தமிழில் என்ன பெயர் என்று கேட்டு தமிழ் ஆர்வம் உள்ளவர்களை மட்டம் தத்துவது போன்ற காரியங்களில் ஈடுபடுவதை விட்டுவிட்டு ஒரு நாளில் தமிழர்களிடம் எப்படி தமிழ் பேசினோம் என்று யோசித்துப் பார்க்கவும்.

ஆங்கிலம் தேவையான ஒன்று என்று கூறுபவர்களிடம் ஒன்று கேட்டுக் கொள்கிறேன். தமிழர்களிடம் ஆங்கிலம் வேண்டாம் என்று தான் கூறுகிறேன். ஒரு தமிழனனுக்கு நிறைய மொழி தெரிவது எனக்கு பெருமை தரக்கூடிய விடயம். தமிழரிடம் ஆங்கிலம் வேண்டாம் என்பது தான் கோரிக்கை.

அதற்காக ஆங்கிலம் பேசக்கூடாது என்று நினைக்கவேண்டாம். ஆங்கிலம் பேச வேண்டியவர்களிடம் மட்டும் பேசுங்கள். அது போதும். தகவல் தொழில்நுட்ப துறையில் ஆங்கிலம் என்பது அவசியமாக இருக்கிறது. இல்லை என்று சொல்வதற்கில்லை. அது அலுவலகம் அல்லது நிறுவனம் உள்ளேயே இருக்க வேண்டும். வெளியே வந்து தமிழரிடம் தமிழிலேயே பேசவேண்டும் என்று அனைவரும் உறுதிமொழி எடுப்போம்.

"தமிழ்" நம் தாய் மொழி மட்டும்மல்ல, நம்முடைய அடையாளம் என்பதை மறந்துவிடாதீர்கள்.